Mилан експресно ги распродаде голманските дресови од Жиру

Oливиер Жиру досега бевме навикнати да го гледаме како постигнува голови, но за викендот се прослави и откако застана на голот на Милан во натпреварот против Џенова.

Милан победи со 1:0, а во финишот од средбата Жиру поради црвениот карто на Мањан застана на голот и имаше една одлична интервенција.

Таквата ситуација Милан ја искористи и да продава голмански дресови од Жиру, а каква беше еурофријата помеѓу навивачите покажува и тоа што дресовите експресно се распродале.

За само 24 часа од пуштањето на дресовите во продажба истите беа распродадени.