Зимските олимписки игри во Пјонгчанг завршија лошо за јапонскиот сноубордер Јуто Тоцука. 16-годишниот Тоцука во финалната дисциплина халфпајп имаше страшен пад и остана неподвижно да лежи на снегот. Лекарите веднаш притрчаа на помош и на носилки го изнесоа од стазата. За среќа падот не предизвика потешки последици, а од јапонската репрезентација потврдија дека Тоцука само чувствува болка во колковите.