Лоша вест за Анчелоти: Познато колку ќе паузира Камвинга

Реал Мадрид синоќа дури по продолженијата ја совлада Селта Виго со 5:2 и се пласираше во четвртфиналето на Купот на Кралот. Ноќта за Карло Анчелоти беше една од најтешките откако го води Кралскиот клуб, но утрото донесе уште полоши вести за искусниот стратег.

Иако Реал успеа да се пласира во следната рунда на Купот на Кралот, беше јасно дека екипата на Карло Анчелоти не блескаше, и дури по продолженијата успеа да го скршат отпорот на гостите од Виго.

Она што исто така беше интересно е дека за време на претставувањето на екипата на Реал Мадрид, огромни свирежи од трибините на стадионот„Сантијаго Бернабеу“ доби Анчелоти кога спикерот го кажа неговото име.

Се разбира, тоа е најмногу поради дебаклот од Барселона во финалето на Суперкупот, но јасно е дека Анчелоти нема поддршка од навивачите како што беше во претходниот период.

За Анчелоти е сигурно најважно дека Реал успеа да се пласира во четвртфиналето иако неговиот тим не блескаше, и дека веројатно најтешката ноќ откако е тренер на кралскиот клуб конечно заврши.

Сепак, тука не завршија проблемите за Анчелоти и кралскиот клуб, бидејќи утрото донесе нови лоши вести за нив.

Шпанските медиуми објавија дека Едуардо Камавинга во синоќешниот натпревар добил повреда и дека на утринските прегледи се утврдило дека е посериозна од што се мислеше на прв поглед и дека Французот го очекува пауза.

Parte médico de Camavinga.#RealMadrid

— Real Madrid C.F. (@realmadrid) January 17, 2025

Камавинга синоќа влезе во игра во 70. минута и играше до крајот на натпреварот, но потоа се пожали на медицинскиот тим за болките што ги има во левата нога, и се утврди дека го очекува најмалку три недели пауза.

🚨 BREAKING: Camavinga is OUT for three weeks. @AranchaMOBILE pic.twitter.com/WBwlhqmx4H

— Madrid Xtra (@MadridXtra) January 17, 2025

За Анчелоти, тоа се ужасни вести бидејќи оваа сезона се мачи со повредени играчи, а токму Камавинга го користеше како лев бек и на позицијата на стопер во недостаток на неколку првотимци кои се опоравуваат од повреда.

Но, сега и Камавинга им се приклучи што е голем удар за Реал Мадрид.

Камавинга во досегашниот дел од сезоната во дресот на Реал одигра 16 натпревари во сите натпреварувања, при што постигна еден гол и забележа две асистенции.