Ливерпул продолжува со големи трансфери – повторно троши над 100 милиони евра!?

Фудбалскиот трансфер период во најсилните лиги на Европа е во тек. Оваа година, поради Светското клупско првенство, е поделен на два дела. Првиот дел во сите овие пет лиги траеше од 1 до 10 јуни.

Така, во Премиер лигата беа прекинати трансферите на пет дена, а потоа повторно се отворија на 16 јуни и ќе траат до 1 септември. Во останатите лиги (Бундеслига, Серија А, Ла Лига и Лига 1) трансфер периодот започна на 1 јули и завршува на 1 септември.

Иако Ливерпул за 95 милиони евра го донесе Хуго Екитике од Ајнтрахт Франкфурт, клубот не се откажува од идејата за ангажирање на Александар Исак, според информациите на Пол Џојс, новинар на Тајмс.

Њукасл не сака да ја продаде својата водечка ѕвезда, но Ливерпул е подготвен да стори сѐ за да го ангажира и е подготвен да плати сума која значително надминува 100 милиони евра.