Ливерпул ќе награди една од ѕвездите со побогат договор

Англискиот шампион Ливерпул ќе го награди холандскиот играч од средниот ред Рајан Гравенберх (23) со нов, значително побогат договор, објавија британските медиуми.   

Гравенберх пристигна на Енфилд пред две години од Баерн во трансфер вреден 40 милиони евра. Вистинското место во тимот, на позицијата последен врзан играч, му го најде тренерот Арне Слот.

Холандскиот тренер ретко го одмара, главно е на теренот сите 90 минути. Така беше минатата сезона, а истото се случува и во новата сезона. Иако игра на последниот везен, оваа сезона веќе запиша два погодоци и две асистенции. Беше најдобар играч на саботниот градски дерби каде „црвените“ го победија Евертон со 2-1, а Гравенберх постигна погодок и додаде асистенција. 

Иако договорот му важи до јуни 2028 година, раководството на Ливерпул ќе му понуди нов договор, со кој ќе стане меѓу најплатените играчи во клубот. Британските медиуми наведуваат дека според новиот договор ќе заработува 11 милиони евра по сезона.