Преговорите помеѓу Ливерпул и Бајер (Леверкузен) за трансферот на Џереми Фримпонг се на самиот праг да завршат успешно, информира “Кикер”.
Според изданието, останува да се прецизираат само некои ситни завршни детали, но веќе може да се каже со сигурност дека Холанѓанецот ќе го замени Трент Александер-Арнолд на десната страна од одбраната во тимот на својот сонародник Арне Слот.
Учиме по најтешкиот пат: Со едукација за заштита и спасување до спречување на трагедии! ↓↓↓
Самиот играч се договорил со клубот од Мерсисајд за петгодишен договор – до летото 2030 година. Ливерпул ќе ја плати откупната клаузула во договорот на Фримпонг со “аспирините”, која изнесува 40 милиони евра. Според Фабрицио Романо, клаузулата е малку помала – 35 милиони евра, при што двата клуба ја договараат структурата на плаќањето.
Интересно е што во Англија, Фримпонг ќе има статус на домашен играч, а не на странец, поради деветте години што ги помина во академијата на Манчестер Сити. Сепак, тој никогаш не дебитираше официјално со тимот на “граѓаните”.
За Бајер, Фримпонг има постигнато 30 голови и 39 асистенции во 190 натпревари.
Учество во игри на среќа е дозволено за лица со 18+ години. Играј одговорно!