Листата со желби на Консеисао е составена од фудбалери на Бенфика, Порто и ПСЖ!

Фудбалскиот клуб Милан го назначи Серџо Консеисао на клупата, а Португалецот сака засилувања од неговиот претходен клуб – Порто. 

Како што пренесува „Газета дело спорт“, Консеисао го посакува крилниот напаѓач Пепе, кој го доведе од Гремио во Порто летото 2021 година за 15,5 милиони евра. 

Пепе има 27 години, но Консеисао смета дека би бил од голема помош бидејќи може да игра на двете крилни позиции. 

Тој за Порто одигра 170 натпревари, даде 24 гола и забележа 30 асистенции.

Но, освен Пепе, Консеисао го сака и Антонио Силва, 21-годишниот стопер на Бенфика. Милан понуди пет милиони евра за позајмица до крајот на сезоната, со откуп на лето за дополнителни 25 милиони, но Бенфика ја одби, очекува нов напад од „росонерите“.

Третиот на листата желби е Рандал Коло Муани, напаѓач на Пари Сен Жермен кој се наоѓа на излезните врати на „Паркот на принцовите“. Французинот има многубројни понуди од Премиер лигата, така што Милан ќе има тежок предизвик да го доведе оваа зима.