Летово блескаше, а вчера не доби ниту минута од Алонсо, еве што одговори Шпанецот

Реал Мадрид успеа да слави над Мајорка и со пресврт победи со 2:1 пред своите навивачи, но тренерот Чаби Алонсо имаше јасна порака за играчите кои повторно не ја добија шансата за настап.

„Кралскиот клуб“ го оствари својот втор триумф од почетокот на новата сезона во Ла Лига. По првичното водство на гостите од 0:1 на „Сантијаго Бернабеу“, успеаја да се вратат и да победат.

Гостите поведоа уште во 18. минута откако Пабло Торре му асистираше на Ведат Муруќи, кој ја затресе мрежата на Куртоа, носејќи голема радост на навивачите на Мальорка.

Сепак, во последните моменти од првото полувреме, Реал направи пресврт за само 60 секунди.

Арда Гулер се врати на сцена со израмнувачкиот гол за 1:1, а веднаш по него, Винисиус Жуниор го доведе Реал во водство, коешто подоцна се покажа како коначен исход.

По натпреварот, Чаби Алонсо го привлече вниманието на конференцијата за медиуми.

Еден од новинарите го праша за Фран Гарсија, кој не доби шанса за игра, иако блесна на Светското клупско првенство. Алонсо се осврна и на другите играчи од тимот без минутажа.

🚨 Чаби Алонсо: “Фран Гарсија? Разговарав со него, но и со Асенсио, Алаба и сите други. Знаат дека ќе имаат шанси да играат бидејќи има периоди кога ќе играме три натпревари неделно.” pic.twitter.com/rBtSFF4lp0

— Madrid Zone (@theMadridZone) 30 август, 2025

Интересен момент во натпреварот беше и фактот што на Реал му беа поништени дури три гола, од кои два на Килиан Мбапе во првиот дел заради офсајд.

“Офсајдите не ми се грижа. Среќен сум што Мбапе постојано остава закана на спротивниот гол. Сигурен сум дека оваа сезона ќе постигне многу погодоци,” истакна тренерот на Реал.

Додека некои стратези се радуваат на претстојната репрезентативна пауза, Алонсо има спротивен став.

“Не сум задоволен што следи пауза. Повеќе би сакал тимот да остане заедно и да продолжиме со работа, бидејќи конечно дојдовме во вистински ритам. Неопходно е да сме заедно за да го достигнеме посакуваниот ниво и треба време за да ги поправиме некои аспекти.”

Инаку, по репрезентативниот застој, во третото коло на Ла Лига, Реал ќе му гостува на Совиедад на 13 септември, а три дена подоцна ќе го има првиот меч од новата сезона на Лигата на шампиони против Марсеј во Мадрид.