Легендарниот фудбалер на Реал, Дани Карвахал, се судри со Букајо Сака од Арсенал на полувремето на синоќешниот реванш дуел од четвртфиналето на Лигата на шампиони меѓу мадридскиот и лондонскиот клуб, пишува Марка.
Имено, Карвахал не играше на натпреварот, но ја презеде улогата на капитен веднаш по завршувањето на првото полувреме за да му се обрати на англискиот играч за неговиот пенал.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
“Карвахал беше првиот што излезе напред по свирежот на судијата кој ги испрати сите 22 играчи во тунелите за соблекувалните. Капитенот на Реал, кој беше со своите соиграчи поради важноста на натпреварот, го чекаше моментот кога сите играчи ќе го напуштат теренот, ја пружи поддршката на соиграчите и им аплаудираше на противниците, се додека не дојде Сака. Карвахал му пристапи за да му го објасни своето незадоволство од ударот изведен во стилот на Паненка, односно Карвахал заклучи дека тоа било непочитување кон Реал”, пишува Марка.
Why is Carvajal fighting Saka? Madrid is the worst club in all of football.
— MessiMania (@M10Update) April 16, 2025
pic.twitter.com/jmV3oGfxtp
Шпанскиот весник додава дека прво му шепнал нешто на уво, го удрил по градите, а откако следеше одговорот од англискиот играч, го фати за рака и продолжи со приговорите.
“Сака не сакаше да се впушти во конфликт и се обиде да се оддалечи кон тунелот, но Карвахал повторно тргна против него бидејќи не му се допадна неговиот одговор. Повторно го фати за рака пред да настане хаос во кој учествуваа неколку членови од стручниот штаб на Арсенал и обезбедувањето кои се обидуваа да ги разделат играчите, додека Карвахал го држеше Сака за врат”, објасни Марка.
Да потсетиме, Арсенал синоќа се пласираше во полуфиналето на Лигата на шампиони со вкупен резултат 5:1 (3:0 во Лондон, 2:1 во Мадрид).
Фото: Пртинскрин
Учество во игри на среќа е дозволено за лица со 18+ години. Играј одговорно!