Лазаров: Имаме убави сеќавања од Вараждин

Македонската ракометна репрезентација се подготвува за настап на Светското првенство кое го стартуваме на 15 јануари во Хрватска.

Во изјава за хрватските медиуми, селекторот Кирил Лазаров се потсети на 2009 и 2018 година кога Македонија играше во Вараждин и истакна дека целта е пласман во следната фаза.

„Имаме позитивни сеќавања од 2009 и 2018 година. Очекуваме голема поддршка од нашите навивачи, а ќе се обидеме и да ги освоиме и симпатиите на Хрватите во Вараждин. Нашата најдобра генерација замина во историјата и сега градиме нова. Многу се изнамачивме да се пласираме на ова Светско првенство. Ни значи и тоа што играме во Хрватска која е блиску“, изјави Лазаров.