Крилото на Пари Сен Жермен Хвича Кварацхелија може да се пофали со уникатно достигнување по синоќешниот триумф во Лигата на шампионите, кој дојде со категорична победа од 5:0 над Интер на “Алианц Арена”.
Кварацхелија постигна неверојатен квадрупел сезонава. Бидејќи во првиот дел од сезоната играше за Наполи, грузискиот репрезентативец може да се смета за шампион во Серија “А”. Со ПСЖ пак триумфираше како во Лига 1, така и во Купот на Франција, а трофејот во ЛШ беше шлаг на тортата. Со тоа, Хвича е во моментот првак истовремено на Италија, Франција и Европа.
Goblin Games - Индустријата за Board Games е во огромен подем! ↓↓↓
Освен тоа, со голот кој го направи резултатот 4:0 во синоќешниот натпревар, Кварацхелија стана и првиот Грузиец кој постигнал гол на финале на ЛШ. Голот беше негов седми како играч на ПСЖ во 25 натпревари, во кои има и шест асистенции. Во првиот полусезон, пак, 24-годишниот фудбалер запиша пет голови и три асистенции во 19 натпревари за Наполи.
Учество во игри на среќа е дозволено за лица со 18+ години. Играј одговорно!