Претседателот на шкотскиот фудбалски великан Селтик Питер Лоуел на крајот на годината ќе го напушти клубот поради “злоупотреба и закани”. Лоуел ќе се повлече на 31 декември, а ќе го замени сегашниот извршен директор Брајан Вилсон, објави клубот.
„Со тага ја објавувам својата одлука, заминувам од местото претседател на Селтик. Верувам дека моите 18 години како главен извршен директор и три години како претседател на клубот ги покажаа моите способности за справување и надминување на предизвиците на многу фронтови, но злоупотребата и заканите од некои извори се зголемија и сега се неподносливи,” стои во изјавата на Лоуел на клупската веб-страница.
Како екраните влијаат на детскиот развој? Разговор со дефектолог
„Заканите ја шокираа и вознемирија мојата фамилија. Во оваа фаза од мојот живот, ова не ми е потребно. Не можам тоа да го прифатам и затоа го напуштам клубот кој го сакав цел живот,” додаде тој.
Во текот на неговите повеќе од 20 години во клубот, Селтик има освоено 38 трофеи, постојано игра во европските купови, Селтик Парк е модернизиран, а тренинг центарот во Ленокстаун е изграден.
Учество во игри на среќа е дозволено за лица со 18+ години. Играј одговорно!