Кристијано Роналдо: Најкомплетен сум играч на сите времиња. Бензема: Не се согласувам

КАРИМ БЕНЗЕМА одговори на тврдењата на Кристијано Роналдо дека е најголемиот играч на сите времиња (GOAT), откривајќи дека верува дека бразилскиот Роналдо е најдобриот играч на сите времиња. Двајцата минаа девет години заедно во Реал Мадрид, освојувајќи многу трофеи, вклучувајќи четири титули во Лигата на шампионите. Сега и двајцата играат во Саудиската Про Лига, каде Роналдо игра за Ал Наср, а Бензема за Ал Итихад.

Сепак, Бензема има различно мислење за тоа кој е GOAT. На прашањето за тврдењата на Роналдо, Бензема во интервјуто за TNT Sports Brazil одговори: “Како прво, Кристијано е извонреден играч. Тој е врвен играч. Но, најголем на сите времиња? Вистинскиот Роналдо, оној од Бразил.

Денес, Бензема и Роналдо се противници во саудиската прва лига. Роналдо има постигнато 22 гола во 20 натпревари за Ал Наср, додека Бензема има постигнато 9 гола во 16 натпревари за Ал Итихад.

Што изјави Кристијано Роналдо претходно?

„Мислам дека сум најкомплетниот играч кој некогаш постоел. Тоа е моето мислење. Може да биде прашање на вкус, но мислам дека сум јас. Правам сè во фудбалот. Добро играм со глава, добро изведувам слободни удари, добро шутирам со левата нога, брз сум, силен сум и добро скокам.

Вкусот е една работа, да се каже ова или она, да се претпочита Меси, Пеле или Марадона, го слушам тоа и го почитувам, но да се каже дека Кристијано не е комплетен е лага. Не гледам никого подобар од себе и ви го кажувам тоа од срце“, рече Роналдо во неодамнешно интервју за La Sexta.