Цеск Фабрегас го одби Интер, а претходно и Милан и Рома и ја продолжува својата авантура. Комо привлече многу неутралци со одлични игри и офанзивен стил на игра во текот на минатата сезона, а приказната ќе продолжи со големо засилување.
Шпанецот успеа да убеди поранешен соиграч од репрезентацијата и Челзи, Алваро Мората да премине во Комо. Минатата година Мората играше за Милан, што заврши лошо, па пролетта ја помина во Галатасарај.
Исхрана, повреди и тренинг – совети од доктор по спортска медицина | Уште еден поткаст
Сега е на раскрсница, постоеше можност за враќање во Хетафе каде сè започна, но Цеск го убеди да дојде по четврти пат во Италија (двапати го носеше дресот на Јувентус).
Несомнено би бил огромно засилување за Комо кој во нападот го има локалното момче, идол на навивачите Патрик Кутроне, фантастичниот млад Сенегалец Асан Диао, а тука е и неверојатниот офанзивен играч од средината Аргентинецот Нико Паз. Веќе го купија Хрватот Мартин Батурина од Динамо. Во клубот има голем број искусни фудбалери кои ги паметиме од големи клубови, Морено, Серхи Роберто, Деле Али.
Фото: Принтскрин
Учество во игри на среќа е дозволено за лица со 18+ години. Играј одговорно!