Ракометниот дуел меѓу Куманово и Тиквеш (27-28) понуди вистинска драма, но овојпат не само на теренот, туку и надвор од вообичаените рамки на играта. Во натпревар исполнет со атрактивни потези и силни удари, се случи сцена каква ретко се гледа – еден од судиите заврши „нокаутиран“.
Во првото полувреме, ракометарот на Тиквеш, Богдан Мијушковиќ, испрати силен шут кон голот во обид да ја намали предноста на Куманово (7-3), но топката, наместо во мрежата, заврши право во градите на битолскиот судија Методија Илиевски. Ударот беше толку силен што судијата остана без здив и мораше кратко време да се опорави пред да го продолжи натпреварот.
До кога ќе дишеме отровен воздух!? | Уште еден поткаст
По кусата пауза, Илиевски успеа да се врати на теренот и да го доврши мечот заедно со својот брат и колега Михајло. Додека судиската двојка храбро ја заврши задачата, кавадарчани направија голем пресврт и со борбена игра стигнаа до целосен триумф.
Учество во игри на среќа е дозволено за лица со 18+ години. Играј одговорно!