Каков генијалец е Јокиќ, доминираше и делеше луди додавња во победата на Денвер! (Видео)

Српскиот кошаркар Никола Јокиќ продолжува со извонредната игра, водејќи ја екипата на Денвер Нагетс до победа на гостување кај Хјустон Рокетс со тесен резултат од 112:109.

Јокиќ беше на чекор да оствари нов трипл-дабл, но сепак го заврши натпреварот како главен играч со 34 поени, 10 скокови и девет асистенции.

Средбата целосно ги оправда очекувањата, полна со неизвесност од почетокот до самиот крај, а освен важните бодови во НБА лигата, овој дуел имаше значење и за врвот на групата Ц во НБА купот.

Денвер започна одлично, освојувајќи ја првата четвртина со резултат 25:12, но во втората четвртина Хјустон се врати во игра и ја доби со 37:21, водејќи на полувремето.

THIS NIKOLA JOKIĆ PASS 🤯

HOW DOES HE DO IT??? pic.twitter.com/G2d47VP2Xb

— NBA (@NBA) November 22, 2025

Втората половина од натпреварот донесе енергични дејствија, со чести промени на водството, а Јокиќ беше главниот носител на играта во клучните моменти.

Возбудливата завршница беше неизбежна. Со тројка на Џабари Смит Јуниор, домашниот тим се доближи само на еден поен разлика непосредно пред крајот, но Денвер ја зачува одбраната и успеа да оствари важна победа.

Jokic just had the greatest non-assist of all time 😭 pic.twitter.com/IKbB1xwQn7

— BrickCenter (@BrickCenter_) November 22, 2025

Во третата четвртина, Јокиќ изведе мајсторски пас без да гледа, но неговиот соиграч Брус Браун Јуниор не успеа да погоди чиста тројка, уништувајќи му ја можеби една од најубавите асистенции во сезоната.