Големата награда на Абу Даби, последната трка на сезоната, ќе одлучи кој ќе биде овогодишниот шампион во Формула 1, а пред неа дури тројца возачи се во конкуренција.

Најблиску до титулата е Ландо Норис, кој има 408 бода на чело на генералниот пласман пред пресметката на патеката „Јас Марина“, а по него следат Макс Ферстапен, со 12 бода помалку, и Оскар Пјастри, чие заостанување во однос на тимскиот колега е 16 бода.

Во Абу Даби на располагање се 25 бода, а наједноставната пресметка околу насловот на шампион е онаа која го засега Норис – ако биде на подиумот, без разлика што ќе направат Ферстапен или Норис, ќе стане шампион.

Кaкo Нoрис мoжe дo титулата?

Норис ќе освои титулата ако победи или биде втор или трет.

Норис ќе освои титулата ако биде четврти или петти, а Ферстапен биде во најдобар случај втор, без разлика што ќе направи Пјастри.

Норис ќе освои титулата ако биде шести или седми, а Ферстапен биде во најдобар случај втор, а Пјастри не победи.

Норис ќе освои титулата ако биде осми, а Ферстапен биде во најдобар случај трет, а Пјастри не победи.

Норис ќе освои титулата ако биде деветти, а Ферстапен биде во најдобар случај четврти, а Пјастри не победи.

Норис ќе освои титулата ако биде 10-ти, а Ферстапен биде во најдобар случај четврти, а Пјастри биде барем трет.

Норис ќе освои титулата ако не освои ни еден единствен бод, ако Ферстапен биде во најдобар случај четврти, а Пјастри биде барем трет.

Кaкo Фeрстапен мoжe дo титулата?

Ферстапен ќе освои титулата ако победи, а Норис во најдобар случај биде четврти, без разлика што ќе направи Пјастри.

Ферстапен ќе освои титулата ако биде втор, а Норис во најдобар случај биде осми, а Пјастри биде барем трет.

Ферстапен ќе освои титулата ако биде трет, а Норис во најдобар случај биде деветти, а Пјастри биде барем втор.

Кaкo Пjaстри мoжe дo титулата?

Пјастри ќе освои титулата ако победи, а Норис во најдобар случај биде шести, без разлика што ќе направи Ферстапен.

Пјастри ќе освои титулата ако биде втор, а Норис во најдобар случај биде 10-ти, а Ферстапен биде барем четврти.

Големата награда на Абу Даби, со која се завршува овогодишниот шампионат во Формула 1, е на програмата од петок до недела на патеката „Јас Марина“.