Фудбалерот на Манчестер Јунајтед Расмус Хојлунд наводно е заинтересиран за премин во Јувентус, кој сака итно да го засили нападот за претстојното Светско клупско првенство, пренесоа денеска италијанските медиуми.
Јувентус воспостави контакт со претставниците на данскиот центарфор, објави денеска „Тутоспорт“.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Црно-белите немаат доволно напаѓачи и мораат да донесат засилувања пред Светското клупско првенство, кое почнува на 14-ти јуни во САД.
Се очекува Јувентус да ја заврши соработката со Аркадиуш Милик, кој целата сезона имаше проблеми со повреди и не одигра ниту еден натпревар.
Исто така, на крајот од сезоната истекува позајмицата на Рандал Колу Муани, кој би требало да се врати во Пари Сен Жермен, додека на српскиот напаѓач Душан Влаховиќ договорот му истекува во 2026 година и се очекува летово да биде на пазарот, бидејќи не сака да остане во Торино.
Јувентус е заинтересиран и за Адемола Лукман од Аталанта и Виктор Осимен, фудбалерот на Наполи кој игра на позајмица во Галатасарај.
Фото: Juventus/FB
Учество во игри на среќа е дозволено за лица со 18+ години. Играј одговорно!