Јамал ќе го памети долго тоа што го слушна од Рамос

Ламин Јамал има само 17 години, но за многу е без дилема еден од најдобрите играчи во светот. За него зборуваше и Серхио Рамос, и многумина изненади со тоа што го рече за ѕвездата на Барселона.

Јамал дебитираше во првиот тим на Барселона со само 16 години и веднаш беше јасно дека станува збор за неверојатен талент со блескава иднина пред него.

Овој тинејџер за кратко време стана еден од најважните играчи во каталонскиот тим, но и во репрезентацијата на Шпанија, која минатото лето помогна да ја освои титулата на Европското првенство.

По уште една фантастична сезона, многумина сметаат дека Јамал е меѓу главните кандидати за освојување на Златната топка и дека битката ќе се води меѓу него и Усман Дембеле.

За момчето кое следниот месец го слави својот 18-ти роденден зборуваше и легендарниот Серхио Рамос, кој исто така беше воодушевен од неговата игра.

Долгодишниот капитен на Реал Мадрид е познат по тоа што нема симпатии кон лутиот ривал Барселона, но кога станува збор за Јамал, тој едноставно мораше да му оддаде признание на младата ѕвезда на Блауграна.

„За мене, Ламин Јамал не е идната ѕвезда, туку сегашна која се наметнува со полна сила. Пред него е целата кариера и мора уште многу да се докажува, но веќе сега руши бројни рекорди и прави нешта кои не се нормални за играч на негови години”, рече Рамос и додаде.

Фото: Принтскрин