Итен состанок во Ред Бул – ќе се дискутира за иднината на еден од возачите

Челниците на Ред Бул ќе разговараат со возачот Серхио Перез за неговата иднина во тимот на Формула 1, по големите шпекулации дека ќе биде заменет во 2025 година.

Перез во јуни го продолжи договорот на уште две години со Ред Бул, но оттогаш беше во слаба форма и не ги исполни очекуваните резултати бидејќи во последните осум трки освои само девет поени, што, меѓу другото, ја чинеше екипата титулата во шампионатот на конструктори.

Директорот на екипата, Кристијан Хорнер, изјави за „Скај“ дека челниците на екипата оваа недела со 34-годишниот Перес ќе ја анализираат сезоната. Последната трка во шампионатот, во неделата во Абу Даби, Перез ја заврши во првиот круг, а во интервјуа по тој настап прв пат јавно рече дека разговара со екипата за тоа што ќе се случи следно и одлуката која е најдобра за сите.

„Сега кога сезоната е завршена, ќе седнеме со него и ќе се навратиме на сезоната, што тргна наопаку и заедно ќе утврдиме кој е правилниот и соодветен пат. Чеко беше одличен член на овој тим во изминатите години“, рече Хорнер.