Италијански медиуми: Рома го сака Гатузо. Веќе го контактирала

ЏЕНАРО ГАТУЗО, под чие водство Хајдук по 21 коло е на чело од Хрватската лига, е желба на Рома.

“Клубот веќе го контактирал неговиот агент Мендес и покажал интерес Гатузо да ја преземе екипата од следната сезона.

Клаудио Раниери (73) е уморен, а и онака се врати да го води саканиот клуб привремено. Името на тренерот од Калабрија и легендата на Милан се врти во неколку добри информирани извори и сигурно е дека веќе е контактиран дали е подготвен од лето да ја води Рома,” пишува италијанскиот Persemprecalcio.

Истиот извор продолжува: “Изборот на Рома да се фокусира на Гатузо може да биде воден од желбата на управата на Рома да се потпре на италијански тренер кој има искуство на домашно и меѓународно ниво.

Гатузо докажа дека знае како да води екипа во сложени ситуации и дека може да постигне значителни резултати и во тешки околности.

Неговата способност да ги мотивира играчите и од нив да создаде сплотен тим може да биде клучен составен елемент за амбициите на Рома следната сезона.”