Од Интер официјално го објавија доведувањето на крилото Луиш Енрике со трансфер од Марсеј.
Така бразилецот стана второ ново засилување на миланскиот гигант по доаѓањето на дефанзивниот играч за врска Петар Сучиќ, додека финалистот на Лигата на шампионите ќе може да го користи уште на Светското клупско првенство.
Од неколку парчиња пелени до успешен бизнис - Приказната за Балон Твистер ↓↓↓
Сумата на договорот е 22 милиони евра со бонуси од дополнителни 3 милиони евра. Договорот на играчот е до летото 2030 година со плата од 2,5 милиони евра годишно. Иако во Марсеј беше користен како крило, очекувањата се во новиот тим на 23-годишниот фудбалер да игра како десен бек, а негов конкурент за позицијата да биде Денцел Думфрис.
Покрај тоа, тој може да игра и на левата страна, а во изјавата за трансферот „нераѕурите“ ги истакнаа неговата брзина и дриблинг.
За скоро пет години во Марсеј, во кои имаше и период како позајмен во Ботафого, Енрике одигра вкупно 108 натпревари со 11 гола и 16 асистенции.
Учество во игри на среќа е дозволено за лица со 18+ години. Играј одговорно!