Хрватскиот талент донел одлука: Ништо од Манчестер сити и Борусија – оди во Италија!

Хрватскиот репрезентативец Петар Сучиќ (21) на масата има навистина неверојатни понуди за продолжување на кариерата. Го посакуваат вистински европски великани, но, според одредени информации, тој веќе го избра новиот клуб.

Петар Сучиќ направи неверојатен напредок само за една година. Од млада надеж во позајмица во Зрињски, стигна до првотимец во репрезентацијата на Хрватска и го очекува голем трансфер.

21-годишниот дефанзивен играч за врска има огромни понуди на масата. Го посакуваат вистински великани во своите редови, но изгледа дека веќе го избрал клубот во кој сака да игра.

Иако го повикуваат Манчестер Сити и Борусија од Дортмунд, според последните информации одлучил да ја прифати понудата на Интер и неговиот трансфер би можел да заврши во наредните денови.

Сучиќ, според извесни информации, веќе некое време е во преговори со Нераѕурите и наскоро се очекува да се официјализира договорот.

Динамо би можел од продажбата на Сучиќ да заработи најмалку 15 милиони евра, а постои можност италијанскиот великан да го остави на позајмица до летото. Тоа е сосема реална опција.

Хрватскиот репрезентативец така ќе го следи патот на Марсело Брозовиќ и Матео Ковачиќ, кои исто така од Динамо преминаа во редовите на Интер.

Нераѕурите во зимата 2013 година го купија тогаш 18-годишниот Ковачиќ за 15 милиони евра, а тој преку овој клуб изгради врвна кариера во најдобрите тимови во светот.

Две години подоцна, Динамо со Интер договори и трансфер на Марсело Брозовиќ. Договорена е позајмица на година и пол со обврска за откуп на договорот.

На крајот, тимот од „Џузепе Меаца“ за услугите на овој фудбалер на Динамо ќе треба да му плати осум милиони евра.