Хорор повреда во Хондурас: На Бразилец му висеше зглобот, фудбалерите се држеа за глава (Вознемирувачко видео)

Страшни сцени го одбележаа натпреварот во Хондурас меѓу Оланча и Мотагуа, кога бразилскиот фудбалер Ромарио Луиз да Силва доживеа сериозна повреда на зглобот.

Според пишувањата на „талкСпорт“ ситуацијата на теренот била толку потресна што некои од неговите соиграчи веднаш плачеле по повредата.

Целата ситуација се случи во обид да се запре контранападот на противничката екипа. По расчистувањето на обидот за удар на аголот од страна на одбраната на Мотагуа, Ромарио се упати кон топката, но при судирот со противничкиот играч незгодно згазна, при што тешко ја повреди ногата.

Бразилецот веднаш падна на тревата, мавтајќи со раце и повикувајќи помош, додека играчите од двата тима останаа шокирани од тоа што го видоа.

Некои повикуваа судијата итно да го прекине натпреварот, други клечеа на тревата со главите во рацете, а некои фудбалери не успеаја да ги воздржат солзите.

🇭🇳 Ужасна отворена фрактура. Фудбалерот речиси остана без зглобот во првенството на Хондурас.

Застрашувачки призор. Советуваме особено чувствителните луѓе да не го гледаат видеото. pic.twitter.com/saWhLmNVan

— RusWar (@ruswar) 13 Мај, 2026