Гвардиола по 13 години молк одговори дали некогаш повторно ќе ја тренира Барселона

Пеп Гвардиола важи за еден од најдобрите тренери во светот, а својата неверојатна кариера ја започна во Барселона, со која веќе во првата сезона освои речиси сè што можеше. Каталонците сонуваат дека Пеп еден ден ќе се врати на клупата на каталонскиот гигант, а сега тој јасно кажа дали има шанси тоа да се случи.

Гвардиола најголем дел од играчката кариера ја помина во Барселона, а откако одлучи да се пензионира во 2006 година, се насочи кон тренерската работа и направи најдобрата можна работа.

Доби шанса во Барселона каде што водеше Б тим, а само една година подоцна беше избран за тренер на првиот тим, што тогаш беше огромно изненадување за навивачите и фудбалската јавност.

Сепак, се покажа дека Џоан Лапорта го направи најдобриот можен избор, бидејќи Гвардиола во следните сезони и донесе на Барселона многу трофеи и тотална доминација на фудбалската сцена, а оваа игра ја промени засекогаш.

Од Барселона си замина летото 2012 година и после една година пауза ја презеде Баерн каде што помина три сезони.

Гвардиола во Манчестер Сити пристигна летото 2016 година и сè уште е на клупата на Граѓаните. Но, нема дилема дека во Барселона повторно со нетрпение би го чекале да го видат на клупата на тој клуб, на што се надеваат во иднина.

Сепак, Гвардиола ги разби сите надежи на Каталонците, бидејќи стави крај на таа приказна и порача дека од враќање на клупата на Барселона нема ништо.

„Таa приказна е завршена. Засекогаш е ставена точка на таа приказна. Беше прекрасно, но е завршено и нема да се повтори”, рече Гвардиола.

Фото: Grok Ai