Готово: Челзи договори засилување од 50 милиони евра!

Челзи оствари договор за трансфер на 17-годишниот португалски играч на крило Џовани Квенда од Спортинг КП.

И покрај тоа што интерес покажаа клубови како Манчестер Јунајтед, Ливерпул и ПСЖ, Квенда реши да се приклучи на Челзи поради клубскиот проект и долгорочните планови, а како што пренесува Фабрицио Романо, целата операција е изведена во тајност.

Според договорот, Квенда ќе остане во Спортинг до 2026 година, по што ќе му се приклучи на Челзи со седумгодишен договор, додека трансферот изнесува меѓу 45 и 50 милиони евра.

🚨💣 BREAKING: Chelsea agree deal for Portuguese top talent Geovany Quenda, here we go!

Medical DONE for Quenda after secret blitz, he will join Chelsea in 2026. 🔵✨

Club to club agreement completed with Sporting and Quenda said yes to Chelsea project & Enzo Maresca’s plans. pic.twitter.com/qw4HoBQy58

— Fabrizio Romano (@FabrizioRomano) March 14, 2025

Квенда е роден во Гвинеја-Бисау, а кариерата ја започна во Португалија, играјќи прво за Дамаиенсе У-10, потоа за Бенфикината младинска академија, пред да премине во Спортинг КП. Оваа сезона одигра 40 натпревари, постигна 2 гола и забележа 7 асистенции.

Може да игра на обете крила, а може да покрие и позиција на десен крилен бек. Овој трансфер се вклопува во стратегијата на Челзи за вложување во млади таленти за да изгради конкурентен тим за иднината.