Најдобрата македонска тенисерка, Лина Ѓорческа, оствари значаен напредок на најновата ВТА ранг-листа, каде што забележа скок од 12 позиции по првите настапи во новата 2026 година.
Ѓорческа годината ја започна со настап во квалификациите за Австралија опен, каде што успешно мина едно коло, а потоа продолжи со настап на Челинџер турнирот во Порто. И таму успеа да обезбеди пласман во следната рунда, што ѝ донесе нови бодови и ѝ овозможи повторно да се врати меѓу 200-те најдобри тенисерки во светот.
Street Workout Macedonia – Движење што гради сила, карактер и издржливост | Уште еден поткаст
Со најновото рангирање, македонската претставничка се наоѓа на 193. место, а во наредниот период ќе се обиде да направи дополнителен исчекор и да се доближи до најдобриот пласман во својата кариера – 170. позиција.
Во текот на оваа недела Ѓорческа нема планирани турнирски настапи и ќе го искористи периодот за подготовка за претстојните предизвици на ВТА турнејата.
Учество во игри на среќа е дозволено за лица со 18+ години. Играј одговорно!