Газдите на Сити со засилувања од 300 милиони евра ќе му ја враќаат насмевката на Гвардиола

Манчестер Сити и следното лето ќе одвои огромни средства за засилувања. Пеп Гвардиола има големи планови за новата сезона и сака да го измие горчливиот вкус на оваа сезона.

Познатиот тренер има на мета две големи имиња како засилувања. Тоа се Флоријан Вирц и Родриго.

Се вели дека Флоријан Вирц е многу блиску до прифаќање на понудата од „Етихад“. Ќе го искористи тоа што Реал Мадрид не му е приоритет и речиси е сигурно дека ова момче ќе го облече дресот на „Граѓаните“.

Во Сити се подготвени да платат до 130 милиони евра за Вирц, но и како дел од договорот да го пратат Џејмс МкАти во Баер Леверкузен.

Преговорите сè уште траат, но се верува дека се е многу блиску до реализација и Германецот ќе го пренесе својот талент на терените во англиската Премиер лига.

Другата ѕвезда која Гвардиола ја посакува е фудбалерот на Реал Мадрид, Родриго.

Шпанските медиуми пишуваат дека на маса е огромна сума и дека Сити не штеди за да го доведе човекот кој е сон на Гвардиола одамна.