Фонсека го нападна судијата – му се заканува суспензија до ноември (Видео)

Тренерот на фудбалерите на Олимпик Лион, Пауло Фонсека наводно се соочува со суспензија од дури седум месеци поради напад на судијата Беноа Мило.

И покрај тоа што неговиот тим имаше предност во продолжението од натпреварот против Брест, кај Фонсека се акумулираше бес поради некои одлуки на Беноа Мило и Португалецот дозволи емоциите да го совладаат, заради што доби црвен картон на самиот крај.

Му се приближи до лице на искусниот судија, му кажал погрдни зборови и веднаш беше исклучен. Играчите и останатиот дел од стручниот штаб мораа да го спречат потенцијалниот физички конфликт.

„Тука стигнуваме и до аспектот на физичко заплашување“, се зборовите на францускиот судија.

Фонсека навистина му се извини јавно на Беноа Мило, но правилата се правила, а оние што се запишани во книгите на францускиот фудбал велат дека сите гестови што предизвикуваат страв кај оние на кои се насочени, без разлика дали се физички или вербални, можат да предизвикаат суспензија во времетраење од најмногу седум месеци.

Во меѓувреме, да провериме што се случува со Пауло Фонсека во Франција pic.twitter.com/pSMhYd6sDQ

— Матео Бонети (@Bonetti) Март 2, 2025