Финалето какво што ќе има оваа година во Лигата на шампионите не сме гледале 21 година!

Фудбалерите на Пари Сен Жермен вчера се пласираа во финалето на Лигата на шампионите откако го елиминираа тимот на Арсенал со вкупен резултат од 3:1.

По минималната победа во Лондон, тимот на Луис Енрике заслужено славеше и во Париз, каде беше 2:1 за домаќините, па ПСЖ во финалето на Лигата на шампионите на 31 мај во Минхен ќе игра против Интер.

Првпат од 2004 година, во финалето на ЛШ нема да има претставник од англиската Премиер лига, шпанската Примера или германската Бундеслига.

Англиските, шпанските и германските тимови редовно беа меѓу фаворитите, но оваа сезона сите беа елиминирани пред завршната фаза.

Последен пат кога се случи ваква ситуација беше во сезоната 2003/04, кога финалето го играа Порто и Монако.

Фото: PSG/FB