Финале на Евробаскет: Еве кога ќе се игра и каде да го гледате

Германија и Турција ќе се соочат во финалето на годинешниот Евробаскет. Германците импресивно ја совладаа Финска во полуфиналето, додека Турците слично доминираа против Грција. Финалето ќе се одигра во недела во 20 часот, а директниот пренос ќе можете да го следите на Sportklub 1. На истиот канал ќе биде и натпреварот за третото место, во кој за бронзата ќе се натпреваруваат Грција и Финска. Тој натпревар започнува во 16 часот.

Со оваа победа, Германија го обезбеди своето четврто одличје од европските првенства во историјата, по сензационалното злато во 1993 година освоено на домашен терен во Минхен, среброто во 2005 и бронзата освоена пред три години повторно на домашен терен во Берлин.

Турција, пак, обезбеди своја втора европска медалја, по среброто освоено на домашен терен во 2001 година. Германија е актуелен светски првак, додека Европа ќе добие нов шампион затоа што бранителите на титулата, Шпанците, одамна отпаднаа од Евробаскетот.