ФИФА направи голема промена: На Мундијалот наредното лето се враќа правилото од 2006 година!

Светската фудбалска федерација (ФИФА) донесе одлука за претстојното Светско првенство во Америка, Канада и Мексико да го врати на сила правилото што го укина во 2006 година.

По извлекувањето на групите за Мундијалот, ФИФА објави и промените во правилата за натпреварување, при што значајна измена се однесува на бодирањето во групната фаза.

Последните дваесет години ФИФА ја вреднуваше гол-разликата повеќе од меѓусебниот резултат, но сега тоа ќе се смени и ќе се врати на поранешната практика.

Новото правило гласи: Доколку на крајот од групната фаза две репрезентации имаат ист број поени, предност ќе има репрезентацијата која е поуспешна во меѓусебниот дуел со ривалот со кого има ист број поени.

Само доколку меѓусебниот натпревар заврши нерешено, ќе се разгледува која репрезентација има подобра гол-разлика во целокупната групна фаза.

ФИФА со оваа промена има за цел да ги избегне ситуациите каде најсилните репрезентации на светот би ја користеле можноста против послабите ривали во групата за да ја подобрат својата гол-разлика и така да стекнат предност над конкурентите.

Потсетуваме, вчера во Вашингтон беа извлечени групите за Светското првенство, кои во групната фаза ќе бидат 12 на број.

Двете најдобри репрезентации од секоја група ќе се пласираат директно во осмина-финалето, каде што ќе им се придружат осумте најдобри треторангирани.