Новата сезона во Првата македонска фудбалска лига стартува овој петок, а една од најзначајните новости ќе биде воведувањето на ВАР технологијата. Сепак, не сите клубови се подготвени да ги пречекаат технолошките новитети.
Фудбалската федерација на Македонија (ФФМ) денеска соопшти дека дел од стадионите сè уште не ги исполнуваат потребните услови за функционирање на ВАР системот, при што особено се истакнува стадионот во Чаир.
Дејан Димовски: Скопје троши 700 литри вода дневно по жител | Уште еден поткаст ↓↓↓
Претседателот на ФФМ, Масар Омерагиќ, објави дека Шкупи нема да може да ги игра своите домашни натпревари на сопствениот терен поради технички недостатоци.
„Шкупи не го исполни својот дел од обврските – не се поставени платформите за камерите, ниту е обезбедена климатизирана просторија, што беше јасно посочено уште пред извесно време. Поради тоа, нема да добијат дозвола да играат на стадионот во Чаир и ќе мораат да најдат алтернативно решение“, изјави Омерагиќ на денешната презентација на системот.
Останатите прволигашки клубови ги имаат исполнето техничките критериуми за користење на ВАР, додека Шкупи, освен што останува без домашен терен, продолжува да се соочува со турбуленции. Клубот е под лупа поради обвинувања за местење натпревари, контроверзни трансфери и незадоволство од навивачката база – што дополнително го продлабочува нестабилниот период во чаирскиот тим.
Учество во игри на среќа е дозволено за лица со 18+ години. Играј одговорно!