Фанови на Јунајтед организираат најголем протест против Глејзер и Ретклиф

Фан групата на Манчестер Јунајтед „1958“ очекува над 6000 приврзаници да протестираат против сопствениците на клубот пред нивниот следен домашен натпревар, при што се инсистира на упорност против сер Џим Ретклиф, како и против семејството Глејзер.

Американското семејство се соочува со гневот на фановите од кога го превзедоа контролниот пакет акции на „Олд Трафорд“ на „контроверзен“ начин во 2005 година, при што демонстрациите ја следат нивната сопственост.

Ретклиф стана сосопственик во февруари 2024 година и во последно време е подложен на сѐ поголема критика, со „1958“ потврдил дека и тој ќе биде цел за време на нивниот марш кон „Олд Трафорд“ пред натпреварот на Јунајтед од Премиер лигата против Фулам на 1 февруари.

Групата очекува „многу повеќе од оние 5000-6000 што маршираа мирно против Арсенал минатиот мај“ и „најголемиот протест против сопствениците на Манчестер Јунајтед, прв пат официјално насочен и кон сер Џим Ретклиф“.

„Џим Ретклиф избра да се здружи со Глејзер и според нас помага да останат на власт“, рече портпарол на „1958“. „Дваесет и една година долгови, лошо управување и финансиска алчност се премногу. Доста е веќе.“

Портпаролот продолжи: „Нема да бидеме соучесници. Џим Ретклиф, ти ја избра својата страна и таа не е наша. Сега стоиш рамноправно со Глејзер. Не си спасител. За многумина изгледаш како кловн, кој се префрла од едно бедствие на друго, безнадежно неспособен да се соочи со еден од најголемите фудбалски институции во светот, обожавана од милиони. Ни ветија најдобрите во класа, но за нас клубот е потсмевачница, наликувајќи на циркус, и тоа ги вклучува новите дизајнски решенија на стадионот.“