Евертон и официјално има нов тренер: Дејвид Мојс се врати по 12 години

Шкотскиот фудбалски тренер Дејвид Мојс и официјално е именуван за нов тренер на фудбалерите на Евертон, соопшти англискиот премиерлигаш.

Искусниот тренер се врати на клупата на клубот од Ливерпул по 12 години и навивачите од него очекуваат повторно да го направи тимот респектабилен.

Advertisement

„Прекрасно е чувството да се вратам, уживав во 11 прекрасни и успешни години во Евертон и не се двоумев кога ми беше понудена можноста повторно да се придружам на овој голем клуб. Возбуден сум што ќе соработувам со новите сопственици и се радувам што ќе им помогнам да го обноват клубот”, изјави Мојс.

Шкотскиот тренер во текот на кариерата работеше во Престон, Манчестер јунајтед, Реал Сосиедад, Сандерленд и Вест Хем со кој пред две години постигна најголем успех во кариерата кога ја освои Лигата на конференции.