Ерик тен Хаг презема нов тим, а еве и кога!

Холандскиот менаџер Ерик тен Хаг наскоро ќе се врати на работа откако минатата есен беше отпуштен од Манчестер јунајтед.

Многумина и порано го знаеја тоа, а сега сите ја поддржуваат таа теза – најголемиот проблем во Јунајтед не се менаџерите, туку самото функционирање на клубот. Ништо не се промени сликата од заминувањето на Ерик тен Хаг од Манчестер и доаѓањето на Рубен Аморим. Уште повеќе, станува полошо.

Но, за Јунајтед досега многу пати пишувавме оваа сезона… Всушност, и за Ерик тен Хаг пишувавме, со тоа што сега, како што е слободен, се повлече. И така ќе остане до крајот на тековната сезона, по што планира повторно да работи она што најмногу го љуби.

“Одлучив да не прифаќам ниту еден деловен предлог до 1 јули и почетокот на подготовките за новата сезона“, изјави Холанѓанецот во подкастот “SEG stories”.

И покрај тоа што имаше повеќе мрачни отколку сончеви денови во Јунајтед, зборувајќи од аспект на резултатите, бидејќи тие се нормални временски услови за тој предел, што му недостасува на Ерик?

“Единственото што ми недостасува е ‘Олд Трафорд'”, признава тој.