Елмас е на листата со желби на Наполи

Името на македонскиот репрезентативец Елиф Елмас повторно се појавува во трансфер плановите на Наполи, но неговото враќање засега не е во врвот на приоритетите на клубот.

Елмас, кој остави силна трага за време на своите сезони во Неапол и беше миленик на навивачите, повторно се споменува како можност за зајакнување на средниот ред.

Сепак, актуелното раководство на Наполи моментално е повеќе насочено кон офанзивниот дел од тимот, каде што потрагата по квалитетни решенија сè уште не ги дала очекуваните резултати.

Весникот „Ил Мартино“ наведува дека плановите за доведување на Федерико Киеза и Џек Грилиш целосно пропаднале, а опциите поврзани со Рахим Стерлинг и Џејдон Санчо не изгледаат реално поради високите финансиски барања и комплицираните преговори.

Фото: Принтскрин