Македонската кадетска репрезентација до 16 години славеше уште една победа против Црна Гора на вториот контролен натпревар одигран во Охрид, славејќи со убедливи 5:0 на „Билјанини извори“. По триумфот од 3:0 на првиот дуел, избраниците на селекторот Исејни уште еднаш ја демонстрираа својата надмоќ.
Херој на средбата беше Медин Емини, кој блесна со дури четири погодоци. Првиот гол го постигна во 22. минута по додавање од Адеми, а на пет минути пред паузата ја удвои предноста. Со почетокот на второто полувреме Емини го комплетираше хет-трикот, за во 61. минута по одземена топка и удар кон празната мрежа да се потпише и на својот четврти погодок.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Крајниот резултат го заокружи Стефан Ристиќ во 77. минута, кој по асистенција од Крстевски погоди за конечни 5:0. Иако селекторот Исејни направи повеќе промени во стартниот состав во однос на првиот натпревар, македонските кадети повторно доминираа и рутински дојдоа до втората победа над Црна Гора.
Учество во игри на среќа е дозволено за лица со 18+ години. Играј одговорно!