Eден од најголемите стадиони во Бразил ќе се претвори во болница за пациенти заразени со Ковид-19

Легендарниот бразилски стадион „Пакаембу“ кој го делат Сао Паоло, Палмеирас и Коринтијас ќе се претвори во болница за пациенти заболени со коронавирус.

Бразилските медиуми објавија дека стадионот ќе биде пренаменет во болница во рок од десет дена. Поволност на стадионот е што се наоѓа во близина на една од најголемите бразилски болници.

Идејата за вакво нешто дошла откако во болницата немало доволно кревети за болните. Инаку, доколку е потребно можно е сите стадиони на кои се играше Светското првенство во 2014 година да стана болници.