Eвертон нова жртва на машинеријата на Пеп 🎥

Maнчестер Сити вечерва на гости го совлада Евертон со 1:3 во заостанатиот натпревар од 16. коло во Премиер лигата.

Тимот на Пеп Гвардиола гази се пред се себе. Нова жртва беше Евертон кој не можеше премногу да направи во овој натпревар. Сити напаѓаше од самиот почеток и до водство стигнаа преку Фил Фоден во 32. минута.

Меѓутоа, Евертон само пет минути подоцна од една од ретките акции на натпреварот доаѓа до гол преку Ричарлисон. Со тој резултат се замина на полувреме.

До ново водство Сити дојде во 63 минута, погоди Марез. Бернардо Силва ги постави конечните 1:3.

Ова беше 17. победа за Манчестер Сити и „граѓаните“ навистина изгледаат незапирливо.