Доктор со обвинувања за Роналдо: Ми должи пари за ботокс – открил и колку!

Кристијано Роналдо се соочува со веројатно најнеобичните обвинувања досега во неговата кариера.

Британски доктор подготвува тужба за Португалецот бидејќи наводно сегашната ѕвезда на Ал Наср му должи 50.000 евра. Станува збор за докторот Решан Ревиндран кој го обвинува Роналдо за третмани кој му ги извршил додека бил во Манчестер јунајтед во период помеѓу 2021 и 2022 година.

Веста ја објави „Сан“ кој додава дека третманите вклучувале: Филери за ботокс, нега на кожата и подигнување на трепките.

Во обвинувањата не се споменува сопругата на Роналдо, Георгина Родригез, меѓутоа докторот објаснил дека работел за целото семејство на Португалецот.