Канаѓанката Оливија Смит стана најскапата фудбалерка во историјата, откако европскиот шампион Арсенал ја купи за рекордни 1.1 милион евра. Досегашната 20-годишна фудбалерка на Ливерпул потпиша четиригодишен договор со Арсенал. Станува збор за најскапиот трансфер во историјата на женскиот фудбал. Претходниот рекорд изнесуваше милион евра, колку што Челси плати на Сан Диего за Наоми Гирма во јануари.
„Привилегија и чест е да се потпише за Арсенал. Мојот сон е да се натпреварувам за титули во Англија и Европа и сум возбудена што ќе започнам и придонесам за ова во Арсенал”, рече Смит, која игра на позицијата напаѓач. Смит стана професионалка во 2023 година, откако настапуваше на американскиот универзитет.
Вардар сигурен, Шкендија има шанси, Силекс и Работнички тешко! ↓↓↓
На Ливерпул му се приклучи од Спортинг за нешто повеќе од 200.000 фунти, изјави Би-Би-Си. Минатата сезона постигна девет голови во 25 настапи за Ливерпул. Женскиот тим на Арсенал има освоено 15 титули на првенството на Англија, а минатата сезона го освои и вториот трофеј во Лигата на шампионите.
Учество во игри на среќа е дозволено за лица со 18+ години. Играј одговорно!