Фудбалерот од Сенегал, Николас Џексон, денес изјави дека последните денови од трансфер периодот му биле исклучително тешки пред пристигнувањето во Баерн од Челси на позајмица, но нагласи дека е горд што ја носи дресот на минхенскиот клуб.
Трансферот беше завршен во последните часови од преодниот рок. Баерн и Челси го постигнаа договорот 72 часа пред крајот на рокот, но Челси ја повлече согласноста поради повредата на Лијам Делап. Џексон и неговиот тим веќе беа во Минхен кога стигна оваа одлука од лондонскиот клуб, но одлучија да останат во Баварија и да го почекаат развојот на настаните.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
На крајот, само три часа пред затворање на трансфер периодот, договорот сепак беше постигнат. Баерн плати 16,5 милиони евра за едногодишна позајмица со обврска за откуп на договорот вреден 65 милиони евра, ако Џексон одигра одреден број на натпревари (40, според зборовите на почесниот претседател на Бајерн, Ули Хенес).
“Тие беа тешки моменти, комплициран период. Сепак, бев прилично сигурен во одлуката, останав тука затоа што сакав да играм за Бајерн. Многу сум горд”, изјави Џексон на промоцијата во Минхен.
Спортскиот директор на Бајерн, Макс Еберл, истакна дека клучот бил во тоа што играчот самиот го посакувал трансферот.
“Сакавме фудбалер кој апсолутно сака да дојде кај нас. “Џеко” (Џексон) ни кажа јасно дека сака да остане овде и пресреќни сме што на крајот сè успеа.”
Учество во игри на среќа е дозволено за лица со 18+ години. Играј одговорно!