Детали за тешката сообраќајка во која загина поранешен хрватски репрезентативец

Во тешка сообраќајна несреќа што се случи минатата ноќ во Карловац загинаа две лица, меѓу кои и поранешниот хрватски фудбалски репрезентативец Никола Покривач, јавија хрватските медиуми.

Во краткото соопштение, полицијата наведува дека судирот се случил на обиколницата Туран и дека учествувале четири патнички возила. Три лица беа пренесени во здравствена институција за да им се укаже помош.

Во автомобилот со него беа и неговите тројца соиграчи од локалниот четвртолигаш НК Војник, за кој тој играше по завршувањето на професионалната кариера, а од трите повредени лица во несреќата, двајца се фудбалери на овој клуб.

Другото лице кое загина се наоѓаше во друго возило, а „Јутарњи“ јавува дека тоа лице било во Ауди со австриски регистрации, кој претекнувал и директно удрил во БМВ во кое беа Покривач и играчите на Војниќ.

Во Аудито беа и сопругата и ќерката на загинатиот, рекле сведоци за „Јутарњи“.

– Мене ме претекна тој човек, а потоа сакаше и да претекне и човек пред него. Штом се извлече, налета БМВ-то и директно се судрија. Тој човек го следеше неговата сопруга со уште двајца деца. Сè видоа. Отидов до БМВ-то, тргнав кон вратата и погледнав внатре, но видов дека сите беа… – рече еден од сведоците.

Фото: Принтскрин