Дембеле, Мбапе, Рафиња, Салах: ФИФА ги објави кандидатите за наградата „The Best“

ФИФА ја објави листата на кандидати за најдобар играч, тренер и голман во женската и машката конкуренција за 2025 година.

За најдобар фудбалер на годината конкурираат 11 играчи – Французите Усман Дембеле и Килијан Мбапе, Шпанците Педри и Ламине Јамал, Англичаните Хари Кејн и Кол Палмер, Португалците Нуно Мендес и Витиња, Мароканецот Ашраф Хакими, Бразилецот Рафиња и Египќанецот Мохамед Салах.

Кај девојките на листата се дури 17 кандидатки, при што по пет претставнички имаат актуелните светски шампионки Шпанки, и европските шампионки Англичанки.

Кај тренерите за наградата конкурираат Хавиер Агире, Микел Артета, Луис Енрике, Ханси Флик, Енцо Мареска, Роберто Мартинез и Арне Слот, а во женскиот фудбал Сонија Бомпастор, Џонатан Жиралдез, Себ Хајнс, Рене Слегерс и Сарина Вијгман.