Со домашен пораз од 96:103 од Минесота, ЛА Лејкерс со 1:4 во вкупен скор испаднаа во првиот круг на плеј-офот на Запад. Така, првата сезона во која за Лејкерс играат две суперѕвезди на НБА, Леброн Џејмс и Лука Дончиќ, заврши неуспешно.
Дончиќ го заврши првиот плеј-оф за Лејкерс во првиот круг
Словенецот беше најдобар стрелец на натпреварот со 29 поени, со 7/18 шут од игра. Тројките ги погоди 2/8. Се извлече преку слободните фрлања, 13/15. Дончиќ со девет асистенции беше и најдобар додавач на натпреварот, додаде и седум скока.
Од семејна традиција до модерен бренд ↓↓↓
Леброн Џејмс постигна 22 поени (9/21 од игра) со седум скока и шест асистенции. Но, не успеа кога беше најважно. Во последната четвртина постигна само три поени со 1/6 шут од игра. Минесота водеше цел натпревар, Лејкерс беа подобри само во третата четвртина.
Сепак, Дончиќ шест ипол минути пред крајот погоди за водство на домаќините 88:87. Но, потоа Леброн со промашување заврши три напада на Лејкерс по ред, па Минесота поведе со 88:93. Леброн потоа погоди тројка за доаѓање на само два поени разлика, но кратко потоа Едвардс и Мајк Конли со кошеви ја направија предноста на гостите недостижна.
Учество во игри на среќа е дозволено за лица со 18+ години. Играј одговорно!