Неверојатно: Пакета поради Фламенго ја одби Лигата на шампионите и останувањето во Лондон?!

Лукас Пакета е претставен како новото засилување на Фламенго, кој го сруши рекордот за неговото враќање од Европа.

Фламенго плати 42.000.000 евра за трансферот од Вест Хем, а Пакета во разговори со новинарите во Рио откри дека имал примамливи понуди да остане во Премиер лигата и да се натпреварува во Лигата на шампионите.

„Тотенхем ми се јави, а потоа и Челси. Интересно е што мојот агент ме повика возбуден да ми каже дека имаме понуда од Челси и дека ќе ја испрати на Вест Хем. Му одговорив дека сакам да чекам за Фламенго и да се вратам“, откри Пакета.

Да потсетиме, Бразилецот пристигна во Европа како голем талент во Милан, потоа преку Лион и Вест Хем се врати во Фламенго.

За седум години во Европа одигра повеќе од 250 натпревари, но срцето сакаше да се врати и тоа во својот зенит, бидејќи има 28 години.