Фудбалерите на Мароко триумфираа против Аргентина со 2:0 во финалето на Светското првенство за играчи до 20 години кое се одржа во Чиле.
Херојот на Мароко беше 20-годишниот Јасиф Забири, кој постигна двата гола во финалната средба, првиот во 12-тата, а вториот во 29-тата минута.
До кога ќе дишеме отровен воздух!? | Уште еден поткаст
Тоа беше неговиот петти гол на првенството, со што се израмни со уште тројца фудбалери и заврши на врвот на листата на најдобри стрелци на турнирот. Забири ја затресе мрежата во првото полувреме, а првиот гол беше вистинска ТВ атракција:
What a beauty from Zabiri! 😍🇲🇦#U20WC pic.twitter.com/sfS1dEp8Bg
— FIFA World Cup (@FIFAWorldCup) October 20, 2025
Набргу потоа, фудбалерот на португалскиот Фамиликао со одлична реакција ја удвои предноста на својот тим.
Аргентинците имаа големо присуство на топката, но не успеаја да создадат вистинска прилика до крајот на натпреварот.
Третото место на првенството го освои Колумбија која во дуелот за бронзениот медал ја победи Франција со 1:0.
Учество во игри на среќа е дозволено за лица со 18+ години. Играј одговорно!