Чалханолгу пред заминување од Интер: Сакам да се вратам дома!

Хакан Чалханоглу може да го напушти Интер ова лето.

Турскиот репрезентативец и играч на Интер изрази желба да го напушти клубот и да ја продолжи својата кариера во татковината, а Галатасарај е тимот кој гори од желба да го види во своите редови.

“Се приклучив на клубот без обештетување пред четири години и дадов сè од себе. Сакам да ја продолжам мојата кариера во Галатасарај и се надевам дека ќе ме разберете. Пуштете ме да се вратам дома,” изјави Хакан Чалханоглу пред раководството на Интер, според информациите на “Сабахспор”.

Чалханоглу има договор со Интер до 2027 година.

Интер планира уште засилувања на средината од теренот, по ангажирањето на Петар Сучиќ, се бара уште еден играч, можеби тоа ќе биде Николо Ровела од Лацио кој бара 50 милиони евра.

Има и еден интересен детаљ, фризерот на Хакан Чалханоглу сподели фотографија со ѕвездата на Интер и напиша: “Дали конечно се случува?”