Бурни реакции во Шпанија: На Атлетико поради иста ситуација му беше поништен гол против Реал Мадрид

Реал Мадрид има предност од еден гол во дуелот со Атлетико, а првиот меч на „Сантијаго Бернабеу“ разбуди полемики меѓу аналитичарите.

Кај вториот гол на Реал, кој го постигна Браим Дијаз, Винисиус Жуниор беше во офсајд позиција и го блокираше погледот на Јан Облак, што според правилото е недозволена позиција.

Марка исто така започна дебата, како највлијателен медиум од Мадрид, а нејзините аналитичари ги поделија своите мислења.

„Има позиционен офсајд кај голот на Браим Дијаз. Винисиус беше во недозволена позиција на линијата на шутот, еден и пол метар пред Јан Облак и му го оневозможи видливоста на патеката на топката. Немам дилема, ова е грешка на судијата, но и во VAR собата, која не го информираше за оваа ситуација“, рече судискиот експерт Павел Фернандез.

Со него не се согласи Енрике Маркес.

„Турпан е најдобриот судија на светот. Во Шпанија често се издвојуваат фотографии кои не се вистинска мерка на судење. Кога ќе го погледнете снимката, јасно гледате дека нема ништо спорно. Симеоне, како и никој друг од Атлетико, не се пожали“, рече Маркес.

Давид Медина одговори негативно на оваа констатација, објаснувајќи зошто ова е офсајд позиција.

„Очигледно е дека Винисиус е на патеката на топката и ако во меѓувреме правилото не е сменето, ова е чист офсајд. Сличен ваков гол беше поништен неодамна, поради недозволена позиција на Стефан Савиќ. Атлетико тогаш поништи гол против Реал, исти така требаше да биде и голот на Дијаз“, рече Медина.

Марка истакна фотографии од тие ситуации, Реаловиот гол беше признаен, додека Атлетиков од претходната сезона беше поништен, како што можете да видите подолу.

👋 Добро утро!! Денес се разбудивме со полемика од вчерашното дерби во #UCL

😡 Најмногу се бара офсајд позиција на Винисиус при голот на Брахим и се потсетува на поништениот од 2023-24

⚽ Се споредува позицијата на Винисиус со голот кој Савиќ го постигна против Мадрид pic.twitter.com/MSda3INdjm

— MARCA (@marca) March 5, 2025